КУГАРНЯ газет

Йошкар-Олаште «Элын военный историйыштыже Российын регионжо-влак» VIII Всероссийский научный тӱнямбал конференций кая. Тенгече, 11 ноябрьыште, секционный заседанийлаште тӱрлӧ темылан доклад лийын: Икымше тӱнямбал да Граждан сар-влак жапысе событий-шамыч нерген ойлымо, кугу Отечественный сар годымсо эвакуаций, тылысе илыш, аралыме рубеж-влакым ыштымаш да моло нергенат калскалыме. СВО-н геройжо Э.В.Дулин нерген видеодоклад историй опыт ден тачысе жапын ваш кылдалтмыштым почын пуэн. «Без срока давности» темылан посна секций пӧлеклалтын. Тыште выступатлыше-влак шымлыме, поисковый да архив пашан лектышыж нерген каласкаленыт. «Российское военно-историческое общество» общероссийский мер организацийын регионысо пӧлкажым вуйлатыше Е.П. Кузьмин «Черная книга» кок томан изданий дене палдарен. Тушто кугу Отечественный сар годым бандеровец да нунын кызытсе идейный наследникышт ‒ украин неонацист-шамычын – осал пашаштым архив документ-влак кӱшеш раш ончыктымо.

Элнан чын историйжым палыман Йошкар-Олаште «Элын военный историйыштыже Российын регионжо-вла» VIII Всероссийский научный тӱнямбал конференций кая. Тудо 2019 ий гыч кажне ийын Россий Президент В.Путинын кӱштымашыж почеш «Без срока давности» научно-просветительский проект кышкарыште эрта да элнан историйжым шоян каласкалаш тыршыме ваштареш, тыгак самырык тукымым патриот шӱлышыштӧ куштымылан виктаралтеш, 2021 ий гыч тудо тӱнямбал статусым налын. Тений ты конференцийыш Российын 25 регионжо ушнен: Волгоград, Воронеж, Иркутск, Калуга, Курган, Дагестан, Марий Эл, Удмуртий да моло кундемла гыч. Тыгак Белоруссий, Норвегий да Финляндий гыч. Мероприятийым В.М.Васильев лӱмеш МарНИИЯЛИ Республикысе тӱвыра, печать да калык-влакын пашашт шотышто, образований да науко министерствыла, Республикысе молодёжный политике комитет, «Российское военно-историческое общество» общероссийский мер организацийын регионысо пӧлкаже полшымо дене пырля эртара. Тышке шуко организаций партнёр семын ушнен. Мероприятийыште учёный, кугыжаныш служащий, тоштер, тӱвыра ден туныктыш пашаеҥ, журналист, аспирант, студент, кадет-влак да молат ушненыт. 📸 МарнИИЯЛИ

🤱ОКТЯБРЬЫШТЕ ача-ава-влак азаштлан могай лӱмым пуэныт? Марий Элын юстиций министерствыште эн кумдан палыме да эн шуэн вашлиялтше лӱм-влак дене палдареныт. 👫 Эрге-шамычым утларакше Илья, Александр, Лев, Матвей, Макар, Марк, Артём, Кирилл манын лӱмденыт. Ӱдыр-влаклан ача-ава-шамыч шукыжым тыгай вариантым ойыреныт: Василиса, Ева, Милана, Екатерина, Амелия, Анна, Валерия, Елизавета. 🔹Октябрьыште регистрироватлыме эрге-шамычлан эн ойыртемалтше лӱм-шамыч лийыныт: Артур, Богдан, Виджай, Виталий, Гордей, Демид, Елисей, Игнат, Лазарь, Николай, Радомир, Савелий, Серафим, Сократ, Эмир, Юлиан. 🔸Ош тӱняш толшо ӱдыр-влаклан шуэн вашлиялтше лӱм спискыш логалыныт: Аврелия, Аврора, Аглая, Влада, Евангелина, Елена, Инна, Капитолина, Лада, Лика, Любовь, Майя, Мариника, Марта, Мирай, Ольга, Прия, Стефанида, Татьяна, Ярослава. 📸 Алиса AI нейросеть полшымо дене ыштыме сӱрет.

Марий Эл – мотор вершӧр Марий парк Йошкар-Оласе ты тематический паркым марий калыкын йӱлаж дене кызытсе жаплан келыштарен палдарыме вер семын ыштыме. Паркыш пурымо «капкам» марий орнамент дене сӧрастарыме, аллей-влак воктене марий фольклор гыч герой-влакын пу скульптурыштым ужына. Паркыште тыгак стенд-влакым вераҥдыме, кажныже республикысе посна кундемлан пӧлеклалтын. Тыштак – кава йымалысе сцене, куштымо площадке да каныме вер-влак. Ятыр марий пайремым: Пеледыш пайремым, Шорыкйолым да моло фестивальым – тыштак эртарат. Районлаште верланыше глэмпинг-влак Тиде пӱртӱс лоҥгаште келыштарыме каныме вер-влак. Тусо условийым чапле отель денат таҥастараш лиеш. Вес семын каласаш гын, канаш толшо-влак изирак да йӧнан пӧртыштӧ илат, тыгодым тушто мо кӱлеш, чыла уло: кровать, санузел, шокшо, электротул, шукыж годым – Wi-Fi. Нимогай палаткым, малыме мешакым пелен налман огыл. Тышке еҥ-влак оласе илыш деч «шылын» толыт да пӱртӱсыштӧ чонышт дене канат, вийым погат. Марий Элыште тыгай глэмпинг-влакым Юл, Элнет эҥерла воктене чоҥымо, тыгак пӱнчерла да лышташан-иман чодыра лоҥгаште, Шап, Яльчик, Таир да моло ер серыште улыт. Йӱштӧ Кугызан илемже Илем Марий Эл Республикын эн йӱдвел верыштыже, Шернур район Кукнур селаште, верланен. Тудым 2019 ий декабрьыште официально почыныт, а 2023 ийыште кок пачашан чапле пу пӧртым чоҥен шынденыт. Тудым илемын тӱвыра рӱдержылан шотлаш лиеш: тушто калыкым вашлийме залым, тоштерым, мастер-класс-влакым эртараш кумдыкым вераҥдыме. Ик ий гыч илемым кумдаҥденыт: «Марий кудо» комплексым чоҥеныт, тушто у интерактивный программым эртарат. Уна-влакым оҥай программе дене вашлийыт: «Йӱштӧ Кугызан юзо корныжо», Чодыра оза, Эмлызе, тыгак Вувер, Овда, Киямат ӱдыр дене вашлиймаш, Сонарзе, Маска дене модмаш. Ӱдыр-рвезе-шамычым Йӱштӧ Кугыза ден Лумӱдыр саламлат, кож йыр куштен-мурыктат. Илемыште марий кочкышым тамлаш, курык гыч мунчалташ да моло семын жапым веселан эртараш лиеш. «Кугу Какшан» заповедник Поснак оролымо ты пӱртӱс кумдык республикыштына Кугу Какшан вӱд воктенысе шуэн вашлиялтше пӱртӱс комплекс-влакым арален кодымо амал дене ышталтын. Тиде турист-влакын йӧратыме верышт. Заповедникыште экологический корныла дене ик але кок кечаш маршрут-влакым темлат. Заповедникын визитрӱдерже – «Старожильск» – Йошкар-Ола деч 40 меҥге тораште улшо тыгаяк лӱман посёлкышто верланен. Козьмодемьянск оласе кава йымалысе тоштер В.И.Романов лӱмеш ты этнографический тоштер Козьмодемьянск олалан 400 ий темме лӱмеш 1983 ийыште почылтын. Тушто Марий кундемысе архитектур памятник, тыгак ыштыш-кучыш, мланде паша да кидпаша арвер-влак аралалтыт. Экспонат-шамыч историйым сайынрак палаш, кугезына-шамычын пашашт дене эшеат кугешнаш таратат. Тоштерын вич гектар наре кумдыкыштыжо 60 наре объект ден оралте верланеныт, тушто тыгак ожнысо илыш дене кылдалтше 7 тӱжем наре экспонатым чумырымо. Тоштерын коллекцийыштыже – пӱнчӧ пырня дене чоҥымо пӧрт, амбар-влак, мардежвакш, апшаткудо, шем монча. Туштак XIX-XX курымласе курыкмарий тӱрым, пидме пӧртарверым да тыгак ӱдырамаш-влаклан сӧрастарышым – чаломкинский цепочкым – ужаш лиеш, тыгайже тӱняште икте веле. Ирина Александрова Фото-влакым «Туризм в Республике Марий Эл» ВК-се тӱшка гыч налме.

📅 11 ноябрь – Шопингын кечыже. Кевытлаште вургемым але кӱлеш вес арверым наледаш йӧратыдыме ӱдырым але ӱдырамашым от му, очыни. Кызыт ончычсо семын пазарыште але ик вер гыч весыш сатум кычал коштман огыл: кугу ужалыме рӱдерыш миет – чыла уло. Садлан шукыштлан шопинг – каналташ, уда шонымаш нерген мондаш йӧн. Икте кевытлаш шкетын лияш йӧрата, весе ешыже але йолташыж дене пырля мо кӱлешым наледа. Газетым лудшо йолташна-влак кевытлаш кошташ йӧратат? Тиде нунылан куаным конда але нойыктара? Вургемым налаш могай кевытлаш коштыт? Нине да моло йодышлан икмыняр палыме еҥ вашешта. 💬 Татьяна СОЛОВЬЁВА, мурызо: – Кевытлаште кошташ жап кӱлеш. Пытартыш жапыште кевытыш каем гын, нойымым веле шижам. Сандене южгунамже, нигуш лекде, маркетплейс гоч заказатлем. Но иктаж-могай келшыше вургемым кевытыште ужам гын, акым ончыде, вигак налам. Техникылан да тулеч моло арверлан шукыж годым кевытыш каем. А кугурак вургемлан Чебоксар олаш эреак коштам. Шукерте огыл духовой шкафым нальым, тудым шкенан олаштак кевытыште муынам.

📅 11 ноябрь – Шопингын кечыже. Моторын чийыше шкенжым моторын куча 👗 Кевытлаште вургемым але кӱлеш вес арверым наледаш йӧратыдыме ӱдырым але ӱдырамашым от му, очыни. Кызыт ончычсо семын пазарыште але ик вер гыч весыш сатум кычал коштман огыл: кугу ужалыме рӱдерыш миет – чыла уло. Садлан шукыштлан шопинг – каналташ, уда шонымаш нерген мондаш йӧн. Икте кевытлаш шкетын лияш йӧрата, весе ешыже але йолташыж дене пырля мо кӱлешым наледа. Газетым лудшо йолташна-влак кевытлаш кошташ йӧратат? Тиде нунылан куаным конда але нойыктара? Вургемым налаш могай кевытлаш коштыт? Нине да моло йодышлан икмыняр палыме еҥ вашешта. 💬 Виктория МАМАЕВА, радиовӱдышӧ: – Ондак вургемым пазарыште, тӱрлӧ кевытыште наледенам. Пытартыш жапыште мыйым йол гыч вуй марте манме гаяк маркетплейс-влак «чиктат». Тушто вургем шулдо манын каласаш ок лий, но тыге жап аныклалтеш. А ончыч, иктаж-могай вургемым налнет гын, мыняр кевытыште от кычал ыле?! Южгунамже икмыняр кече кошташ логалын. Кызыт мо кӱлешым интернетыште ончальыч, заказым ыштышыч – пеш йӧнан. Тыгодым вургем келшен огеш тол гын, мӧҥгеш пӧртылташ лиеш. Иктаж-мо путырак чоныш логалеш гын, шулдештмыжым ом вучо, налам. Но мыйын тыгай койыш уло, тудыжо шкаланемат огеш келше: иктаж вургем чот келшен шинчеш гын, иктаж-мыняр кече почела чиен кертам, но вара тудо шерым тема, да тетла чийымат огеш шу. А эше мый ужалыме рӱдерлаште кужу жап кошташ ом йӧрате, ала-молан тушто пеш вашке ноем, да вуй коршташ тӱҥалеш. Пытартыш жапыште налме сату кокла гыч – шыжым чияш куртко, сумка да йолчием.

📅 11 ноябрь – Шопингын кечыже. Моторын чийыше шкенжым моторын куча 👗 Кевытлаште вургемым але кӱлеш вес арверым наледаш йӧратыдыме ӱдырым але ӱдырамашым от му, очыни. Кызыт ончычсо семын пазарыште але ик вер гыч весыш сатум кычал коштман огыл: кугу ужалыме рӱдерыш миет – чыла уло. Садлан шукыштлан шопинг – каналташ, уда шонымаш нерген мондаш йӧн. Икте кевытлаш шкетын лияш йӧрата, весе ешыже але йолташыж дене пырля мо кӱлешым наледа. Газетым лудшо йолташна-влак кевытлаш кошташ йӧратат? Тиде нунылан куаным конда але нойыктара? Вургемым налаш могай кевытлаш коштыт? Нине да моло йодышлан икмыняр палыме еҥ вашешта. 💬 Любовь КАМАЛЕТДИНОВА, Марий Элын сулло журналистше: – Кевытлаш кошташ йӧратемат, омат йӧрате. Кунам иктаж-мом налаш шонен, лӱмын каем да иктаж-мом налам гын, тунам кумылем нӧлталтеш. А кунам кужун кычал коштам, но келшышым ом му, тунам ноем веле. Ӱдыр, ӱдырамаш-шамычлан шопинг – эм гай, ойлат. А тазалыклан оксам чаманыман огыл. Сандене мыланна тидым ыштыманак, шонем. Мый гын шопинглан южгунам лӱмын кечым ойырем. Пытартыш гана отпускем жапыште ик ужалыме рӱдер мучко коштын савырненам да чонемлан келшыше икмыняр вургемым налынам. Утларакше шергакан кевытлашке кошташ йӧратем. Вургем але йолчием келша гын, акым ончыде налам. Тыгодым нуно молын деч ойыртемалтше лийышт манын тыршем. Кунам келшыше вургемым чиет, шканет шке моторын чучат, тунам ошкыл колтыметак вашталтеш. Адакшым моторын чийыше еҥ шкенжымат моторынак куча. Тидым еҥ-шамычат ужыт, шижыт да комплиментым ойлат. Сатум маркетплейслаштат ончем, молан манаш гын тиде жапым аныкла. Вургемым Озаҥ, Чебоксар, Новочебоксарск олаласе кевытлаштат наледенам. Иктаж вес элыш але олаш каем гын, тушечат мом-гынат кондем.

📅 11 ноябрь – Шопингын кечыже. 💬 Аделина БАТАЕВА, мурызо: Кевытлаште вургемым але кӱлеш вес арверым наледаш йӧратыдыме ӱдырым але ӱдырамашым от му, очыни. Кызыт ончычсо семын пазарыште але ик вер гыч весыш сатум кычал коштман огыл: кугу ужалыме рӱдерыш миет – чыла уло. Садлан шукыштлан шопинг – каналташ, уда шонымаш нерген мондаш йӧн. Икте кевытлаш шкетын лияш йӧрата, весе ешыже але йолташыж дене пырля мо кӱлешым наледа. Газетым лудшо йолташна-влак кевытлаш кошташ йӧратат? Тиде нунылан куаным конда але нойыктара? Вургемым налаш могай кевытлаш коштыт? Нине да моло йодышлан икмыняр палыме еҥ вашешта. – Кевытыш кошташ моткоч йӧратем. Йоча-шамыч шочмо деч вара тиде кумылем вияҥме гай гына чучеш: кевытыште йоча отделыш пурем – шинча шарла, чылажымат налме шуэш. Кеч мо кӱлеш – чыла уло, но эше моторракым, сайракым налаш ала-мо тарата. Садлан шопинг мыланем куаным гына конда. Южгунам тидлан лӱмын кечым ойырем, мутлан, пошкудо Озаҥ олаш ешге кудалына да кечыгут тушто коштын кертына. Тыгодым акым ончен, сатум ойырем. Туге гынат южгунам иктаж вургем тунар келшен шинчеш, чот шерге гынат, налам. Кунам гын, мӧҥгешла: келша гынат, шкемым чарем да «мыйын тыгай уло, кокыт дене мом ыштем?» манын шкаланем ойлем. «Шулдо, садлан налам» шонымаш дене кевытлаште сатум кычалмаш уке. Тӱрлӧ акцийым, ак шулдештмымат вучен ом кошт, тыгайыш логалам гын, сай, уке гын – уке. Маркетплейс пеш йӧнан: школлан сатум, концертлан вургемым ончыч тушто ончен лектам. Тиде жапым аныклаш полша. Кугу сату кокла гыч ӱмаште шкаланем пӧлекым ыштенам – кӱслем налынам.

«Сем-влак кӱшычын йогат» 🎶 🎉 Тыге манеш палыме марий композитор Вячеслав Осипов. Тудлан таче, 11 ноябрьыште, 70 ий темеш. Тидын лӱмеш «Иле! Куане!» кум концертым эртара: 12 ноябрьыште – Волжск олаште, 13 ноябрьыште – Приволжский посёлкышто, а 14 ноябрьыште – Йошкар-Оласе Курчак театрыште. Мо оҥайже: Вячеслав Андреевич икымше «Вероника» мурыж денак (тудым 1983 ийыште возен) палымыш савырнен. Тыгай мастарлык кажне творческий еҥлан огеш пуалт. Волжский район Моркыялеш шочын-кушшо Вячеслав Андреевичын творчествыштыже кугу верым йоча произведений налеш, вет тудо чылаже 112 йоча мурым возен. Нуным марий, руш, татар, да эсогыл таджик ӱдырат йоҥгалтареныт да «Тендан мурыдам йӧратен мурена» манын ойленыт. Тудо эн ончыч тӱрлӧ пашам шуктен, а вара 40 ияш улмыж годым Купсола (Эмеково) школышко толын. Тунам йоча тӱняште илен, нунылан мо кӱлешым ужын да шижын. Кум йоча сборникым савыктен луктын. Школыштат, шке кундемысе клублаштат самодеятельный коллектив-влакым шочыктен, нунылан корным ончыктен. Вячеслав эше изи улмыж годымак музыклан шӱмаҥын да шкеак гитарым шокташ тунемын. Сандене 4-ше класс деч вара тудым Йошкар-Оласе 1-ше номеран музыкально-художественный школ-интернатыш кусареныт. Тушто Владимир Ефимович Петухов дене баяным шокташ тунемын. Тылеч вара кум училищыште шинчымашым поген, электрик, электросварщик, кочегар профессийлам налын. Икымше мелнат тамле – Кузе икымше сем возалтын, шарнеда? – Морко посёлко гыч туныктышо Анатолий Иванович Семёнов мыйым баяным шоктышо семын пален. Вероника ӱдыржылан почеламутым пӧлеклымеке, мыланем каласен: «Слава, мурым возен ончо, тольык проигрышыже суасла йоҥгышо кӱлеш. Тый кертат!» Туныктышын ойжо мурым возаш таратен. Анатолий Иванович дене вашлиймаш пӱрымашын шонымашыже улмаш. Тиде почеламутшо изиш кӱчымырак ыле. 1997 ийыште поэтессе Альбертина Иванова деке миенам, почеламутым тӧрлаташ манын коденам. Тыгодымак ты семлан вес почеламутым уэш возаш темлен. Тунам вара поэтессе школым пытарыме сюжетан почеламутым пуэн. Тыге «Вероника. Ах, Вероника» муро шочын. – Варажым ик сем почеш весе возалтыч мо? – Икымше гана сем 1983 ий сентябрьыште возалтын. Вес ийынже мартыште, шижам, ала-мо мыйым шӱка. Кузе руаш оваргымым, кӱшкӧ кӱзен кайымыжым, теве-теве ташлымыжым шижат, мыйынат кӧргыштӧ шолын. Тыге сем толеш улмаш. Ала-могай юзо вий Семён Вишневскийын сборникшым кидыш налыкта да «Вучыдымо йӧратымаш» почеламутшым почеш. Шкемын йӧратымашем шоналтен, муро шочеш. Тудым шкеак муренам. Вара сем-влак эркын-эркын йогаш тӱҥальыч. Поэт да мурызо дене кыл Муро кузе шочеш? Тидлан Вячеслав Осипов тыге каласыш: «Чылажат кӱшыч толеш, Юмо колта: почеламутшат, семжат. Кажне жапын – шкенжын мурыжо. Кызыт «Роза» муро чапланен. Тудым Пошкырт марий Арсений Андреев мура». Творческий корно тӱҥалтыште Алексей Январёвын, Альбертина Иванован, Валентина Изилянован, Александр Селинын, Алевтина Сенькован, Чалай Васлийын почеламутыштлан эҥертен. Вара моло поэт, мурызо денат кылым ыштен. 1998 ийыште Надежда Васкановалан «Кидыштемже – пеледыш аршаш» мурым пуэн, а вара Роза Искаковалан – «Кунам тыйым ӱдыр йодеш», Эльвира Токташевалан – «Кеҥеж йӱр». Мурызо-влакым нине мурыла дене калык палаш тӱҥалын. Варажым Пӧтъял школышто 11-ше классыште тунемше Володя Матвеев йытыра почеламутшым колтымеке, «Ит вучо» муро ош тӱням ужын. Тунамсе нӧргӧ рвезым композитор Татарстанысе студийыш наҥгаен коштыктен да муро тӱняшке омсам почын пуэн, манаш лиеш. Тыгак Светлана Осиповам «Ош йӱдым» мурыжо, Валерий Петровым «Лийнем пеленет, йолташем» муро-шамыч чапландареныт. Пытартыш жапыште Алёна Яковлеван, Алёна Антонован, Татьяна Пчёлкинан, Нина Щербакован, Ольга Эльтемерован, Антонина Щербакован, Анисия Васинкинан почеламутыштлан мурым возен. «Курыкмарий тукыман улам» Вячеслав шуко шочшан ешыште кушкын. Лу икшыве кокла гыч нылымше лийын. А шке тукымжо нерген тудо тыгерак ешарыш: – Икана музыковед Олег Герасимов мый дечем йодо: «Слава, кушеч тыйын мурышто курыкмарий савыртыш?» Варарак пелашем Галина Павловна архивыш шке пашаж дене миен. Тушто Волжский велысе Парат ден Курыкмарий районысо Паратмары коклаште кыл улмым рашемден. Тукымна Курыкмарий кундем гыч толын. Моркыялыште мутланымаш вестӱрлырак, шуко шомак чылт курыкмарла шокта. 1540 ий деч вара Иван Грозныйын курыкмарий-шамычым шыгыремдылмыж годым эн ончыч калык Татарстан велкыла илаш куснен. Кызыт Зеленый Дол олаште Паратск станций уло, лӱмжӧ кодын. Вара чодыра гоч Моркыялышке корно шуйнен – илалше-влак тудым курыкмарий корно маныт ыле. Тушеч еҥ-влак Волжский кундемысе Парат кундемыш толыныт. Моркыял гына курыкмарий савыртышан шомаклаж дене пеҥгыдем кодын. Кызыт ялна огеш изем, кугемеш гына, вашке 100 пӧртышкат шуэш. Курыкмарий-шамыч семем келша манын, шкешт мый дечем мурым возаш йодыныт: Софроний Гайдов, Ольга Кутасова, Татьяна Труфанова, Татьяна Иванова да молат. Чылаже 13 мурым ыштенам. Ешыже Галина Павловна ден Вячеслав Андреевич Любовь, Надежда, Вероника ӱдыр-влакым ончен куштеныт. Кумытынат образованийышт дене педагог улыт. Вероника, Надя, Люба Ӱдыр-влакат сценым пален кушкыныт, вара каласеныт: «Мемнан жапна эртен». Композитор тиде уверым сайын вашлийын. Люба ден Вероника гитарым шоктен моштат. Люба эше баяным пала. Тудын Саша ӱдыржӧ изиж годым мурен. Люба тӱҥалтыш класслам туныктышылан Оршанкысе педколледжыште тунемын, тыгак психолог да гештальт-терапевт профессийлам налын. Тудо Йошкар-Олаште ила, ме Любовь Каяткинам марий психолог семын палена. Надя Италийыш каен, тушто йоча-влакым руш йылмылан туныкта. Тудо Марий пединститутышто руш йылме да литературым туныктышылан тунемын. Вероника Озаҥысе федеральный университетысе историй факультетым тунем лектын. Озаҥыште ила, кугу компанийыште вуйлатышын полышкалышыжлан тырша. Вячеслав Осипов 260 утла мурылан семым возен. Ятыр ансамбльым шочыктен. Кызыт Приволжский посёлкысо «Станционный смотритель» ВИА-м вуйлата. Тушто фисгармонийым да органым шокта. Эльвира Терентьева. Еш альбом гыч налме фото-влак

🅿🚍 15 ноябрь гыч Йошкар-Олаште турист да экскурсий автобус-шамычлан парковко тӱлыман лиеш Шогымо верлаште раш информациян щит-влакым вераҥдат. Тушто парковочный зонын номерже, акын кугытшо да тудым пуртымо йӧн-шамыч, тыгак операторын телефон номерже да сайтшын адресше ончыкталтыт. Тылеч посна водитель-влаклан акым тӱлыдымылан административно мутым кучымо нерген шижтарат. Кӱлеш информацийым да видеоинструкцийым сайтыште ончен кертыда: parking.i-ola.ru/ 📸 Администрация Йошкар-Олы.